Мукажанов Жармак Зарубаевич 1958 жылы желтоқсанның 26-сы дүниеге келген. Шебердің шығармашылық еңбектері ұлттық рухты, табиғатпен үндестікті және терең символизмді негіз етеді. Оның әрбір туындысы дәстүр мен көркем ойдың сабақтастығын көрсетіп, халықтық дүниетанымды қазіргі заманғы көркемдік тілмен жеткізеді.

Шебер табиғи және асыл материалдарды саналы түрде таңдайды. Жұмыстарында бұғы, лось, таутеке сияқты жануарлардың мүйіздері кеңінен қолданылады. Бұл материалдар көшпелі мәдениетпен тығыз байланысты болып, төзімділікті, биіктікті және табиғат күшін бейнелейді. Сонымен қатар металл, күміс, мельхиор сияқты материалдар қолданылып, туындыларға беріктік пен сәндік айшық береді.

Шебер дәстүрлі зергерлік және сәндік-қолданбалы өнер техникаларын жетік меңгерген. Металды қолмен ою, гравировка, тас қондыру, инкрустация, мүйізді өңдеу сияқты күрделі әдістер жұмыстың көркемдік сапасын арттырып, әр бұйымды дара әрі қайталанбас етеді.

2005 ж Алматы - Орта Азия қолөнершілердің көрме жәрмеңкесі сертификатының иегері;

2009 ж Қарағанды қаласында өткізілген Қазақстан шеберлерінің тренингі сертификатының иегері;

2013-2014 ж Астана- Көшпелі өркениет фестивалі шеңберінде «Астана айналасындағы мыңжылдық» қолөнершілер көрмесі, «Ханшатыр», «Expo2017» көрмесінің қатысушысы

2021 ж Өскемен қаласы, «Рухани жаңғыру» Тәуелсіздіктің 30 жылдығына арналған Республикалық конкурс жеңімпазы І орын дипломанты және т.б.